Бүгінгі таңда орташа өнімділік гектарына16 центнерден айналып, 26,6 млн тонна дәнді және бұршақ дақылдары жиналды, деп хабарлады Ауыл шаруашылығы министрлігінің баспасөз қызметі.

Республикадағы астық сақтау қоймаларының жалпы сыйымдылығы 30 миллион тоннаны құрайды, бұл биылғы астықты сақтауға қажеттілікті толығымен қанағаттандырады.

Лицензияланған астық сақтау қоймаларын пайдалану коэффициенті 42%, бос көлемі 7,6 млн.

Негізгі астықты аймақтарда бос орын көрсеткіштері де тұрақты деңгейде:
Қостанай облысы: 1,6 млн тонна;
Солтүстік Қазақстан облысы: 1,8 млн тонна;
Ақмола облысы: 2,5 млн тонна.
Министрлік астықты үздіксіз қабылдау мен сақтауды қамтамасыз ету жұмыстарын белсенді түрде жалғастыруда.

Премьер-Министрдің орынбасары Серік Жұманғариннің төрағалығымен өткен Жедел штабта берілген тапсырмалар аясында бұрын пайдаланылмаған элеваторларды іске қосу жұмыстары жүргізілуде.

Солтүстік Қазақстан облысында сыйымдылығы 74,6 мың тоннаны құрайтын «Ащыкөл элеваторы» ЖШС, Қостанай облысында «Олжа Денисовское 1» ЖШС-нің сыйымдылығы 173 мың тонналық элеваторы іске қосылды. Қазіргі уақытта астық қабылдау жүріп жатыр.